金山银水 - 才让东珠

作词：扎更宗智尖措

作曲：才让东珠、三智才让

མཁའ་དབུགས་དྭངས་གཙང་སྤྲིན་པའི་སྐེ་དཀྲུས་ཅན།

ལྷ་ཡི་འཁྲུ་ཤིང་འཇའ་ཡི་སྐེ་རགས་ཅན།

རང་བྱུང་མེ་ཏོག་སྣ་བརྒྱའི་འདབས་རྒྱན་ཅན།

གངས་ཀྱི་རི་བོ་ཨ་མྱེས་བྲག་དཀར་ཡིན།

མེས་པོས་དཔུང་བསྟད་དགྲ་ལྷའི་གནས་རི་ཁྱོད།

ཕུ་ནུའི་ལྟེ་ཁྲག་འཕོས་སའི་སྐྱེས་རི་ཁྱོད།

སྐྱེས་ནས་འཚར་ལོངས་བྱུང་སའི་ཕ་ཡུལ་ཡིན།

ཤི་ཡང་རྣམ་ཤེས་འཁོར་སའི་བར་རྡོ་ཡིན།

ཤི་ཡང་རྣམ་ཤེས་འཁོར་སའི་བར་རྡོ་ཡིན།

ས་མཐའི་བུ་ཕོ་ཞེན་པའི་དུང་ཀ་ཅན།

གངས་ཀྱི་རི་བོ་བསྐྱུར་ནས་གང་ལ་འགྲོ།

སྨོན་པའི་འཇའ་རིས་བདའ་ནས་གང་ལ་འགྲོ།

ཕེབས་དང་མཉམ་དུ་གངས་ཀྱི་རི་བོ་སྲུང་།

ཕེབས་དང་མཉམ་དུ་གངས་ཀྱི་རི་བོ་སྲུང་།

སྨན་ཆབ་ཆུ་མགོ་སྟོང་གི་ལན་བུ་ཅན།

ཀླུ་ཡི་འཁོར་གནས་རླངས་པའི་ན་བཟའ་ཅན།

སྣ་ཚོགས་ཀླུ་ཤིང་རིང་མོའི་འདབས་རྒྱན་ཅན།

གཡུ་ཡི་ཆུ་བོ་ཨ་མ་མང་ཆུ་ཡིན།

བྱམས་བརྩེ་རིང་མོ་རྒྱུན་ཆད་མེད་པ་ཁྱོད།

སྐྱེ་བ་འདི་ཡི་སྲོག་གི་ཕྱེད་ཀ་ཡིན།

ཨ་མས་བསྣུན་པའི་ནུ་ཆུ་ཁྱོད་རང་ཡིན།

ལུས་ཟུང་བཅུད་ཀྱི་རུ་མ་ཁྱོད་རང་ཡིན།

ལུས་ཟུང་བཅུད་ཀྱི་རུ་མ་ཁྱོད་རང་ཡིན།

ས་མཐའི་བུ་མོ་ལས་བརྩོན་ལྷག་མ་ཅན།

གཡུ་ཡི་ཆུ་བོ་བསྐྱུར་ནས་གང་ལ་འགྲོ།

སྨོན་པའི་འཇའ་རིས་བདའ་ནས་གང་ལ་འགྲོ།

ཕེབས་དང་མཉམ་དུ་གཡུ་ཡི་ཆུ་བོ་སྲུང་།

ཕེབས་དང་མཉམ་དུ་གཡུ་ཡི་ཆུ་བོ་སྲུང་།

ས་མཐའི་བུ་མོ་ལས་བརྩོན་ལྷག་མ་ཅན།

གཡུ་ཡི་ཆུ་བོ་བསྐྱུར་ནས་གང་ལ་འགྲོ།

སྨོན་པའི་འཇའ་རིས་བདའ་ནས་གང་ལ་འགྲོ།

ཕེབས་དང་མཉམ་དུ་གཡུ་ཡི་ཆུ་བོ་སྲུང་།

ཕེབས་དང་མཉམ་དུ་གཡུ་ཡི་ཆུ་བོ་སྲུང་།

ཕེབས་དང་མཉམ་དུ་གཡུ་ཡི་ཆུ་བོ་སྲུང་།