慈祥的父母 - 多扎西

词：罗降拥

曲：根呷

原唱：多扎西

ཟླ་དགུ་ཞག་བཅུ་ཁུར་བའི།།

དྲིན་ཅན་ཨ་མ་ལོ་ལོ།།

ཨ་རྩེད་གོམ་རྩེད་བསྩལ་བའི།།

དྲིན་ཅན་ཨ་མ་ལོ་ལོ།།

ནུ་འོ་བཅུད་གྱིས་གསོས་པའི།།

དྲིན་ཅན་ཨ་མ་ལོ་ལོ།།

དྲོད་མོ་གོས་ཀྱིས་བསྙོར་བའི།།

དྲིན་ཅན་ཨ་མ་ལོ་ལོ།།

ཉམས་མྱོང་བསླབ་བྱས་བསྐྱངས་བའི།།

དྲིན་ཅན་ཨ་ཕ་ལོ་ལོ།།

བུ་ངའི་མདུན་ལམ་སྟོན་པའི།།

དྲིན་ཅན་ཨ་ཕ་ལོ་ལོ།།

ངོ་གནག་སེམས་དཀར་ཅན་གྱི།།

དྲིན་ཅན་ཨ་ཕ་ལོ་ལོ།།

བརྩེ་བའི་ཐལ་ལྕག་རེ་རེ།།

དྲིན་ཅན་ཨ་ཕ་ལོ་ལོ།།

དྲིན་ལན་འཇལ་འདོད་ཡོད་ཀྱང་།།

དྲིན་ལན་ཁ་ལོག་ཚིག་ལོག།

ཤེས་མེད་བུ་ཆུང་བུ་ངས།།

དྲིན་ལན་འཇལ་དུས་ནམ་ཡིན།།

དྲིན་ཅན་ཨ་ཕ་ཨ་མ་།།

བདེ་ཅན་ཞིང་དུ་འདྲེན་པའི།།

དམ་ཆོས་དཀར་པོས་དྲིན་ལན།།

བུ་ངས་འཇལ་བའི་སྨོན་ལམ།།